Туындылары
ШУАҒЫН ШАШҚАН ШЫМҚАЛА
Ғасырларлы соңына тастап,
Қазағымның қаймағын сақтап,
Шығыстың күретамыр Шымқаласы
От жігерлі жастарды баптап,
Ел үмітін келеді ақтап.
Қайырмасы:
Қашалған тастан,
Тарихы дастан.
Құшағын ашқан,
Шуағын шашқан,
Күн қаласың – Шымқалам менің.
Мерейі тасқан,
Даңқың бар асқан,
Мақтанышым – Шымкентім менің.
Ұлылардың ұлағат кені,
Ұлысымның мұрағат жері,
Алаштың алтын бесік – Нұр қаласы
Ынтымақтың берік тірегі,
Бейбіт елдің соққан жүрегі.
Қайырмасы:
Бабалардың арманы болған,
Бақыт құсы бағына қонған,
Арайлы алқабымның жыр қаласы
Гүлсәруа гүлзарға тұнған,
Гүлістаным – жұлдызы жанған.