Туындылары
* * *
Ешкімге ұқсамаған кем-кетістігімменен,
Ешкімге бұлдамаған жөн-жетістігімменен,
Інгеннің сүтін емген жырларым желіндеді,
(Ойларым ішке симай сыртына тебіндеді),
Қол жайып, бата берді періште төріндегі.
О, муза!
Айқара аш құшақты, мен келемін
Жарқырап найзағайдай Алатау көгіндегі!
БОСТАНДЫҚ
Бостандық алдық, бодандық кетті қазақтан,
Құрсауды бұзып, жарыққа шықтық, тозақтан.
Ойымыз еркін, ғасырлар бойы шектелген,
Түзедік бойды, бүгілген белді азаптан.
Мәтінді толық оқу...
* * *
Шаншылып көкке ұшқым келеді,
Қалқыған қыран түске енеді.
Елеусіз ғана жүр едім, бейқам,
Беймаза жүрек не дей береді?...
Мәтінді толық оқу...
* * *
Мейлі, мені мойында, мойындама,
Шыжық-ойды шыжғырар шойын таба.
Үзілместей көрінген қыл-ғұмырың,
Бір актілі сахнада ойын ғана.
Мәтінді толық оқу...
БАЗАРЛАР КЕШЕНІ
Ару қала айналып қан базарға,
Жер де қалмай барады бой жазарға.
Төр босатты саялы саябақтар,
Тас қамалды казино, сауналарға.
Мәтінді толық оқу...
ҰЛЫЛЫҚТЫ ҚАЗАҚША МОЙЫНДАУ
Дарын туып, өгейсіту – қазақ үшін сол сөз бе?
Қазақ болып туылғанға қамығасың кей кезде.
Әсіреден ажыратар тылсым күші болмаса,
Ұлылықтың белгілері көрінбейді жай көзге.
Мәтінді толық оқу...
КӨҢІЛ
Қарадан қалған хан-көңіл,
Тарқатып шерді басылар
Түнерген аспан – қамкөңіл,
Нөсер боп жауып, ашылар.
Мәтінді толық оқу...
ҚОШТАСУ
Дәруін іздеп жүректің көптен,
Көктем боп көңіл жырларын төккен.
Мұраттың ізгі жолында жүріп,
Тал түсте ақты жұлдызың көктен.
Мәтінді толық оқу...
БАЛАПАНЫМ-АУ
Балақаным-ау,
Балапаным-ау,
Алайыншы өзіңді алақаныма-ау.
Қанаттарың қатайып, бекігенше,
Несібеңді қолымнан жалатамын-ау.
Мәтінді толық оқу...
ӨКІНІШТІ
Өкінішті. Оһ, қандай өкінішті,
Нарық салған сойқанның беті күшті.
Кіріптар боп қажыған қайран жүрек,
Бұлқынады бұза алмай бекіністі.
Мәтінді толық оқу...
МІНЕЗ
Талай досты жинап көрген қасына,
Талай сынақ түскен ғазиз басына,
Мінез жайлы ой қозғапты қария,
Профессор Әбдірахман досыма:
Мәтінді толық оқу...
ЖЕТІМ БҰЛАҚ
Алатаудың құрсағын жарып шыққан сыр бұлақ,
Қасқасуға еркелеп құйылыпты сылдырап.
Тас емшегі исінген Қақпатастан тамшылап,
Тасты тесіп Тоғысқа тамып тұрды бір бұлақ.
Мәтінді толық оқу...
АДАМ ЖАСЫ ТУРАЛЫ АҢЫЗ
Жаратушы жаратып-ап, саз-балшықтан Адамды:
«Сана берем саған ғана, өсіретін бағаңды.
Тіршіліктің бесігі, сақтау үшін ғаламды,
Сан ойланып, сан толғанып жасағын әр қадамды.
Мәтінді толық оқу...
ДЕНДРАРИЙДЕ
Жайбарақат жайсаң жаздың баса-көктеп меселін,
Күз де жетіп, жауын-шашын түгелдеді есебін.
Жасыл түсті дендрарий аппақ қарға оранып,
Жердің беті қысқа қарай, жаңарта ма төсегін?...
Мәтінді толық оқу...
ҒҰМЫРДАРИЯ
Ағып бара жатырмыз күн батысты бетке алып,
Жайындарды ортаға, шабақтарды шетке алып.
Күн шығысқа қараймыз атқан таңға үмітпен,
Қарсы жүзер дәрмен жоқ – толқын келеді оқталып.
Мәтінді толық оқу...
ДӘРІГЕРГЕ ӨТІНІШ
Мен жатармын төсекте аласұрып,
Кәрі дүние қарайды баласынып.
Қаба сақал әкемнің қолындағы,
Намысымды осады қара шыбық.
Мәтінді толық оқу...
ЖАҢА ҚАЗАҚҚА
Тыңда мені, жаңа қазақ-жауқыран,
Көңіл күпті, несін сенен жасырам.
Сатылатын дүниені айтпаймын,
Рух байлығын қалай саған асырам?
Мәтінді толық оқу...
ЖҰМЫССЫЗДЫҢ САНДЫРАҒЫ
Шабыт қайда жыр болып нөсерлетер,
Гүлдер қайда сезімді еркелетер?
Оттық қайда?...
Кеткені ме тұтанбай білте бекер?
Мәтінді толық оқу...
ЗАМАН
Неге сонша қағындың түлкі заман,
Төрге шықты долларлар шытырлаған.
Тазы болып ізіне түсе алмасаң,
Ізгілігің көк тиын, бақырға алман.
Мәтінді толық оқу...
БАТА
Көш бастаған азаматтар ел сенімін ақтасын,
Сарбаздарға сабыр беріп нәпсі-сайтан тоқтасын.
Аман қылып қазағымның әрбір момын отбасын,
Ата салтын қадірлемес имансыздан сақтасын!
Мәтінді толық оқу...
1 2