Туындылары
* * *
Сездім.
Сізге сыйламады Күз Үміт.
Ал, өткенді мен де ұмыта алмадым.
Жапырақ та жерге түсті үзіліп,
Көтере алмай сағыныштың салмағын.
Мен сол күзде сағынышты хат жаздым,
Өзіңізге жолдағым кеп, жолдағым.
Жапыраққа сырымды айттым
бақта аз күн,
Ол да тілеп бәрі жақсы болғанын.
Қош деместен өте шыққан мезгілдей
Алдады ма өзіңді де арманың?
Сөндіретін сезіміңді сездірмей,
Жөн еді үнсіз қалғаның.
Өзгердім бе?
Өзге едім бе кеше мен?
Үзілгенді келмес қайта жалғағым.
Жүргім келмей сіз жүретін көшемен,
Жалғыздықты таңдадым.