Туындылары

ҚАР ЖАУҒАНДА

Қар жауып тұр қылаулап...
Құбылыстан қыстағы
Мен отырмын сыр аулап.
Жетпедім ой түбіне...
Ақ төсіне адырдың
Алсам ба екен бір аунап.

Қонған бетке ақ ұлпа
Нəзіктігін байқадым.
Кірпігіме ілініп,
Айта алмай тұр айтарын.
Қалыбының осынау
Қайда жатыр дерегі?
Жəркен ағам бір кезде
"Қар тоңады"деп еді...

Осы сөздің астары
Оңай емес білгенге.
Дірілдеген түйіршік
Еріп кетті бірдемде.
...Көз тігемін көкке үнсіз...