Туындылары

ЗАМАН-АЙ

Қосынына қу құлқын тонатты елді!!!
Сый-құрметтен еншісі сол-ақ па енді
Шімірікпей Әуезов тұрған бетке,
Шемішкесін саудагер орап берді.

Сөзден қадір кеткесін осы да күн!!!
Тіл күрмеліп,амалсыз тосыламын.
Арыстардың хаттарын анау жердің
Шелегінен көргенде шошынамын.

Тоқтатардай әруақтың тосын үні,
Жон-арқамды бір ұят осып ұлы.
Газеттерден жырыма сол тағдырды,
Қиналамын қия алмай осы күні...