Туындылары
ҚЫЗ МҰҢЫ
Ауыр ойдан шайқатылдым,
Тұнығыма қайта тұндың.
Маған жазған әндеріңді,
Түн ауғанша айтатынмын.
Арманның да, үміттің де,
Сырын сенен бүгіппін бе?
Ақылымның арбаушысы,
Сен екенін біліппін бе?
Бақытымнан кешіктім бе,
Шешіміңді айт кесіп мүлде.
Сен екеуің ән салғанда,
Жылап тұрдым есіттің бе?
Кінәмшілдеу қыз демегін,
Осы үміт үзбегенім.
Күнәсізбін, кінәсізбін,
Менен айып іздемегін.