Туындылары

ЖҰМБАҚ-САНДАР

Ұзын бойда кекіл тұр
                            (Бір)

Аққудай-ақ суреті
Бағада жоқ құрметі.
                            (Екі)

Қос жұмылған жұдырық
Бір-біріне тұр мініп.
                            (Үш)

Теңесе алмай қос сызық көкте, жерде
Ортадағы бір сызық жарты, белде.
                            (Төрт)

Жарты шеңбер жарты шатыр тігіп тұр.
                            (Бес)

Бір сызықтың басы қалып
Аяғы тұр оралып.
                            (Алты)

Ол қармаққа ұқсамайды, шалғы ораққа
Орта белден ұстайтын бар бір тұтқа.
                            (Жеті)

Екі бүйір, семіз бүйір.
                            (Сегіз)

Нотаға ол ұқсаған
Орындықта ұйықтаған.
                            (Тоғыз)

Терезе де, шатыр да, есік те
Орнатылыпты бір тесікте.
                            (Ін)

Тастан тасқа соғылып
Жатыр көбік төгіліп.
                            (Толқындар)

Жерде тұрып әуеден
Қағады үн әуенмен.
                            (Антенна)

Көзін ашпай тұрып
Құлағын тысырға бұрып,
Жатыр қақпан құрып.
                            (Мысық)

Ағаштарды жапырақ
Қойған кезі алтындап.
Алғаш бұлттар жиналып,
Жауған кезі тамшылап.
                            (Күз)

Көз моншағын қадаған
Құйрығына ұзарған
                            (Құс)

Айдың шашқан шашуы
Жерге жетпей шашылды.
                            (Жұлдыз)

Апам күнде пісірген
Күлше нанды біреуден.
                            (Аспандағы күн)

Аяқ астында, жоқ қасында
Біреу отыр тап қасында
                            (Ой)

Ақ үй бар отты ғана сүйген
Есігінен қысқыш ғана кірген.
                            (Ошақ)

Жалғыз көзбен жаралған
Көп ісіне жараған.
                            (Ине)

Көрінбейді күндіз жүрсең өзіңе
Тығылады түнде келіп көзіңе.
                            (Ұйқы)

Күн дейін десем күн емес,
Түн дейін десем түн емес,
Көзімде жүр бір елес
Таң атқанда көрінбес.
                            (Түс)

Жерді жырттым екі жаққа
Отыз тісті қалды соқа.
                            (Езу күлкі)

Еріншектің әні
                            (Есінеу)

Құдық емес, астау да
Түсіп кетті бір қауға.
Алынбайды байланды
Сөзіңне сөз жалғауға.
                            (Тіл)

Әсем үні, әсем әні,
Оятады өзі таңды.
                            (Бұлбұл)

Күннің көзін сүйіп,
Дала, желге басын иіп.
Жер-Ана тұр беріп көрік.
Сары қыздың шашын өріп.
                            (Масақ, бидай)

Сиырдың баласының
Басын атап алатынның
Білмей қалдым шағатынын.
                            (Бұзаубас)

Екі тауды екі жаққа
Жығып отыр аға, ата.
                            (Малдас құрып отыру)

Қамбар атам сыйлаған
Төрт асыл бар қимаған
                            (Қазы, қарта, жал, жая)

Теңіздің бір шегі бар
Қолда тұрар өмірі.
Суы да бар, шөбі бар
Балығы жемге семірді.
                            (Аквариум)

Апам баққан бес бала,
Атам баққан бес бала,
Өсіп кетті іс ала.
                            (Оң, сол қол саусақтары)

Теңіз жатып, сахарадан өткен,
Судан шығып, түбіне шөккен.
                            (Тұз)